Час чытання: 2 хв
Здарылася аднаго разу так, што напаткала кошка ў лесе спадара ліса. «Ён разумны ды такі спрактыкаваны, што яго ва ўсім свеце паважаюць», – падумала кошка і лагодна прамовіла да яго:
– Добры дзень, шаноўны спадар ліс, як маецеся? Як упраўляецеся ў наш цяжкі час? Усё ж такое дарагое.
Глянуў ліс на кошку, акінуў яе зняважлівым паглядам з галавы да ног і памарудзіў, не ведаючы, ці варта адказваць.
Нарэшце ён сказаў:
– Ах ты, няшчасная варкатуха, дурніца бязглуздая, галодная жабрачка ды мышаедка! Як гэта табе на розум прыйшло пытацца, як мне паводзіцца? Як ты насмелілася? Чаму цябе там вучылі? Якія навукі прайшла?
– Я ведаю толькі адну навуку, – сціпла адказала кошка.
– Што ж гэта за навука? – спытаўся ліс.
– Калі за мною ўлягуць сабакі, дык я ўмею ўскочыць на дрэва і ўратавацца.
– І гэта ўсё? – сказаў ліс. – А я вось знаўца аж у ста мастацтвах і да таго яшчэ цалюткі мех хітрыкаў маю. Мне шкада цябе, ідзі са мною, я навучу цябе, як ад сабак уцякаць.
Тут якраз на гэтым часе праходзіў паляўнічы з чатырма сабакамі. Кошка ў імгненне вока ўскочыла на дрэва, уселася на самай вершаліне, і галінкі ды лістота схавалі яе.
– Развяжыце ваш мех, спадар ліс, развяжыце ваш мех, – загукала яму кошка.
Але сабакі ўжо схапілі яго і моцна трымалі ў зубах.
– Эх, спадар ліс! – усклікнула кошка. – Вось вы і ўляцелі ў бяду са сваімі ста мастацтвамі. А маглі б вы, як я, на дрэва ўскараскацца, не давялося б вам з жыццём развітвацца.
Facebook 
Whatsapp 
Messenger 
Telegram
Інфармацыя для навуковага аналізу
Паказчык | Значэнне |
|---|---|
| Нумар | KHM 75 |
| Пераклады | EN, ZH, ES, FR, RU, UA, CZ, PT, JA, DE, VI, TR, IT, PL, NL, RO, HU, DA, SE, BG |
| Індэкс чытальнасці паводле Б'ёрнсана | 35,1 |
| Колькасць знакаў | 1.425 |
| Колькасць літар | 1.099 |
| Колькасць сказаў | 26 |
| Колькасць слоў | 239 |
| Сярэдняя колькасць слоў у сказе | 9,19 |
| Словы даўжэй за 6 літар | 62 |
| Працэнт доўгіх слоў | 25,9% |
| Type-Token Ratio (TTR) | 0,686 |
| Moving-Average Type-Token Ratio (MATTR) | 0,882 |
| Measure of Textual Lexical Diversity (MTLD) | 170,4 |
| Hapax Legomena | 129 |
| Average word length | 4,60 |
| Median sentence length | 10,0 |
| 90th percentile sentence length | 16,5 |
| Direct speech share | 4,6% |
| Sentence complexity | 1,08 |
| Connectors | 0 |
| Referential cohesion | 0,005 |
| Character/name candidates | none |
| Character co-occurrence network | none |
| Motif/tag candidates | Браты Грым |
